فواد اور ماہرہ کی دی لیجنڈآف مولاجٹ کا اعلان

فواد اور ماہرہ کی دی لیجنڈآف مولاجٹ کا اعلان ہوگیا

 لیجنڈ آف مولاجٹ کا شائقین بے چینی سے انتظار کررہے ہیں۔ فلم میں پاکستانی سپراسٹار فواد خان، ماہرہ خان، حمزہ علی عباسی اور حمائمہ ملک کو کاسٹ کیا گیا ہے لہٰذا شائقین کے لیے پاکستانی لیجنڈ اداکار سلطان راہی اور مصطفیٰ قریشی کی جگہ نئے دور کے اداکاروں کو دیکھنا ایک خوشگوار تجربہ ہوگا تاہم فلم ابتدا ہی سے مشکلات کا شکار ہوگئی۔

آگے بھی پڑھیں:ایمن اور منیب شا دی پر پا نی کی طرح پیسہ بہا نے پر تنقید کا شکا ر

دی لیجنڈ آف مولاجٹ بننے کے اعلان کے بعد اوریجنل مولاجٹ کے پروڈیوسر سرور بھٹی اور باہو فلمز کارپوریشن نے دی لیجنڈ آف مولاجٹ کے ہدایت کار بلال لاشاری، پروڈیوسر اور فلم میں شامل اداکاروں کو کاپی رائٹ ایکٹ کی خلاف ورزی پر قانونی نوٹس جاری کیاتھا جس میں کہا گیا تھا, دی لیجنڈ آف مولا جٹ بنانے کے لیے ان کی رضامندی نہیں لی گئی۔ فلم گزشتہ کافی عرصے سے تیار تھی لیکن قانونی نوٹس کے باعث اس کی ریلیز میں تاخیر ہورہی تھی لیکن اب بالآخر فلم کی ریلیز کی تاریخ کا اعلان کردیا گیا ہے, فلم دی لیجنڈ آف مولاجٹ اگلے سال عید الفطر کے موقع پرریلیز کی جائے گی۔ فلم میں فواد خان یادگار کردار مولاجٹ اور حمزہ علی عباسی نوری نتھ کے کردار میں نظر آئیں گے۔ فلم مولاجٹ میں یہ دونوں کردار لیجنڈ اداکار سلطان راہی اور مصطفیٰ قریشی نے ادا کیے تھے۔ 

متعلقہ خبریں

پاکستان اور نیوزی لینڈ کے درمیان تیسراون ڈے

پی سی بی میں استعفوں کے طوفان

اساتذہ کا احتجاج ساتویں روز بھی جاری کلاسز کا بائیکاٹ

’امریکہ سے دوستی کا معیار سی پیک کا خاتمہ ہے ‘مولانا فضل الرحمان کا تہلکہ خیز دعویٰ

محبت کرنا مشکل

آسیہ بی بی کو پناہ دینے کے لئے پاکستان سے رابطہ، جسٹس ٹروڈو