26/Jul/2021
News Viewed 1237 times
راولپنڈی (ویب ڈیسک) وفاقی وزیر داخلہ شیخ رشید نےکہا ہے کہ ان شاء اللہ کشمیر میں عمران خان جیتے گا ، سندھ میں بھی تیاری رکھیں ، وہاں بھی عمران خان حکومت بنائےگا۔
میڈیا سے گفتگو کرتے ہوئے شیخ رشید کا کہنا تھا کہ عمران خان نے ایک رکشہ ڈرائیور جاوید بٹ کو ٹکٹ دیا ، جاوید بٹ نے مخالفین کو شکست دے دی ہے، ہمارے شہر کی روایت ہے ہم الیکشن میں ایک دوسرے سے نہیں لڑتے۔شیخ رشید کا کہنا تھا کہ مریم نواز آپ کہاں سے کشمیری ہو ، آپ کا کشمیر سے کیا تعلق ہے؟ آپ جاتی عمرا کی رہائشی ہو ،فیصل آباد کا ایک چمگادڑ گندی زبان استعمال کرتا ہے۔
آگے بھی پڑھیں: سینیٹ اجلاس،چیئر مین صادق سنجرانی وزیر داخلہ شیخ رشید احمد کی عدم موجودگی پر برہم
وزیر داخلہ کا کہنا تھا کہ ویلی کی سیٹوں میں پیسےکا بے دریغ استعمال ہوا ، عمران خان الیکٹرونک مشینوں کا اسی لیےکہتے ہیں کہ دھاندلی نہ ہو ۔ان کا کہنا تھا کہ سندھ میں بھی تیاری رکھیں وہاں بھی عمران خان حکومت بنائے گا، عوام نے بتادیا کہ وہ عمران خان کے ساتھ ہیں، ہم شرافت کی سیاست کرتے ہیں۔
.jpg)
